कृषि बिकास कार्यालय सुनसरीको कार्यक्रम सार्वजनिक

 

जिल्ला कृषि बिकास कार्यालय सुनसरीले आर्थिक वर्ष  २०७३।०७४ कृषि बिकास कार्यक्रम सार्वजनिक गरेको छ ।
इनरुवामा राजनैतिक दल सहित सरोकारवालाहरुको उपस्थितीकावीच कार्यालयले कृषि बिकास र किसान लक्षित कार्यक्रमहरु सार्वजनिक गरेको हो ।
जिल्ला कृषि बिकास कार्यालय सुनसरीका प्रमुख डा.रविन्द्रनाथ चौबेले किसान लक्षित कार्यक्रम प्राथमिकतामा रहेको जानकारी गराए । खेतीमा आधुनिकीकरण सहित किसानकालागि सहुलियत र आयमूलक कार्यक्रमकालागि प्रोत्साहन जस्ता कार्यक्रमबारे चौबेले जानकारी गराएका थिए ।
कार्यक्रममा सहभागि राजनैतिक दलका प्रतिनीधिहरुले कार्यालयले किसानका नाममा झोले किसानको बिगबिगी रोक्न नसकेको बताए । वास्तविक किसान अझैपनि सेवा सुविधाका लागि जुधिरहेपनि झोले किसानहरुलाई भने कार्यालयकै कर्मचारीको साथ र सहयोग रहेकाले वास्तविक किसान मार्कामा पर्दै आएको बताए ।
कार्यक्रममा सहभागि सुनसरी प्रशासनका निमित्त प्रजिअ कमलबहादुर थापाले सेवा सुविधाको प्रभावकारिता र पार्दशिता आवश्यक रहेको धारणा राखे । कार्यक्रममा स्थानीय विकास अधिकारी, जिल्ला वन कार्यालय प्रमुख लगायतको उपस्थिती रहेको थियो ।